اسمعي بقى

ولا بتوحشيني و لا حاجة\
دي بس روحي المحتاجة\
امد ايدي و تنقطع\
اصل انا ناقصة دي السماجة\\

اكلمك تطنشيني\
ولما اجي اديكي عيني\
في ام قلبي تفقعيني\
بوكس يوقع سناني\

مشغولة و احنا يعني فاضيين؟؟
محروقة و احنا اللي مروشين؟؟
تعبانة معاكي ما قلتش لا
لكن تبقى انتي.. و كمان السنين؟؟

لا اسمعي يا حب عمري\
انتي في حالك وانا في قدري\
لما تبقي جاية نتكلم\
و لما تبقي تحسي جمري\

انا خلاص شبعت تطنيش\
و من غيرك و غيرهم حاعيش\
و انشالله ما عرفت المحبة\
و انشالله هية ما تعرفنيش\

ماشي كده و لا صعيب\
اني ابطل ابقى حبيب\
و اوقف قلبي المحروق بجاز\
من انه يلح و يبقى غريب\

بس لو اقدر على قلبي بس\
ما كنتش بقيت انا في ده الحبس\
ما كنتش ابعت و استني رد\
من اللي قلبه بقى قالب جبس\\

يا ساتر