تاني!!

و تاني بتشيل\
و تحط فيا\
و تاني بتميل\
و تكسر عنيا\
و تاني بمنتهي
اللا مبالاة\
بتخطف الحياة \
من ايديا\

تاني ..
من روحي الحزينة..
باسحب\
في كتاب عمري\
و سنينه..
باكتب\
اسمك بحروف \
مجنونة ..
بتضحك\
العب تاني \
و اخسر تاني\
و انت حبيبي..
تكسب\

تاني..
باشوف ..
الفلم تاني\
يعدي عليا بالدمع \
و بالاغاني\
عارفة اللي جاي \
و كمان اللي قبله\
و برضة..
ارجع تاني اقابله..
بالأماني\

اقفل كل البيبان\
على عقلي ده الجبان\
و اديله عافية اجازة\
و ده اصل وعشان \
من قديم الزمان\
انا غاوية و منحازة\
لقلبي و هواك \
و عذابي الحلو معاك\
رغم اني عارفة..
اكيد..
و بالتأكيد
اني حاتجازى\

حب مستحيل \
زي الخليل\
والحب الوفي \
لا انت بتستسلم لحبك..
و لا انا\
منك باكتفي\
لا انت موالي انا..
و لا دي حكاية..
عمرنا\
امتى..
باسأل امتى\
من رسوماتي حتختفي ؟