36
على الهم في مصر ديه
تقدر تقول اشياء
تقول معشش فيها
مربع في كل زقاق
قاعد في السوق و البيت
و الحارة و القشلاق
و كله له نصيبه
وكله منه داق
.. صاحب العربية الباشا
و كمان حوده السواق
حتى وزير الخارجية
ومعاه عبده الحلاق
و بياع الطعمية
و مدرس الاحياء
و المهزئ و المحترم
و اللي بلا اخلاق
و اللي بياخد بالصرم
و سليل كل الرخاء
و اللي ابوه البرم
و اللي مالوش اباء
الهم فيها عجيب
متوزع على السواء!!
خلصنا وصف مصر
و فين وصف الاشواق
مصر دي عايشة فينا
في الام و في الاباء
نعمل ايه في شوقنا
مين يقدر عل الاشواق؟
مصر دي شمس رطوبة
و الينسون في طوبة
و هي اغلي محبوبة
مع انها البلاء
مصر دي فيها الحبايب
يحوشوا للغايب نايب
و مهما كانت مصايب
تلقاهم اوفياء
مصر
دي عابدين و زينهم
و العتبة و البيه محرم
و السويس و برضه مرغم
و مطروح و المنيا و سيناء
مصر الضحكة في الوش الاسمر.. مصر لاهلها ترياق .
Subscribe to:
Post Comments (Atom)
No comments:
Post a Comment