37
خنزير و في كل
مصيبه فيكي يا مصر في خنزير
شارب كل خيرها
و مكوش على الزير
يشرب الميه حلوه
و نشربها احنا بالجير
يا خنزير
ايش خنزرك
قال
مالقتش كبير
بلدكم فسد جدرها
و جف فيها البير
و الحل تاه خلاص
في مولد الدبابير
و امخاخكم في الطرواة
و سلملي على التفكير
الخنازير موجودة هنا
قبل الوباء بكتير
الخنازير الصح لابدة
في بيوتنا و في الاثير
اعلام بياكل بالوظة
تحت الفقير بفقير
الواسطة تنحت تاكل
بركات عمو الوزير
الاقسام بالخوابير
و اسألوا عماد الكبير
و اسلام بيه في الشغل
و كأنه هتك طراطير
و المستشفي استثماري
او كفنك على السرير
و المدرسة بالدولار
او ولادك حمير
و المدرسة الحكومي
مدرس عاوز فطير
و الجامعة يا ولداه
تنسيك التفكير
و النقل يا مؤمن
يقتل بالطوابير
و حياتنا على ده الحال
غش و هم و تزوير
و برضه مستحملين
الحجة و التبرير
يا خنزير ظلموك الناس
والله احنا الخنازير
11-5-2009
Subscribe to:
Post Comments (Atom)
No comments:
Post a Comment