35
عاوزني تاني اقولك ..
عن حلاوة مصر ايه
خلص الكلام خلاص..
خلصوه ولاد الايه
شعرا كبار من نار ..
طب ازيد كلامي ليه
حابعت قلبي الورق ..
شايل غرامي عليه ..
خد عندك جواب …
مصر امي العجيبة ..
بجلابية نيلي
يركبوا الاجانب..
و انا تقولي شيلي
اشيل ياماي يا حلوة..
بس انتي عني ترضي
و ما تدنيش في جنبي .
.و اما اروحلك تجيلي
مش تبعدي الاحباب
سألوني ويش عاجبني ..
في المعاملة الهباب
قلت اسألولي الفول..
لما الفطار ينجاب
او اسألوا الجيران..
اللي بيكرموا الاغراب
او الناس اللي بتسامح ..
في اللي لاممكن ينساب
مش مسألة تراب ..
مصر دي اهلي و ناسي ..
مش اصحاب الكراسي
اهلي على المصاطب..
كأنهم مراسي
يجيبوك لو تاه سبيلك..
في اى بحر قاسي
يصحوك لو تبقى نايم ..
يفكروك لو انت ناسي
رجاله واصحاب…
مصر اتوبيسها المهكع ..
تنزل .. تحلف ما تطلع
و تستناه على القمة ..
و تركب و انت بتسترجع
مصر الخناقة الهايفة
و الناس اللي مش شايفة
مصر الزغرودة العالية
.. مصر النكتة اللي توجع
مصري انا يا شباب!!
مصري انا يا شباب!!
Subscribe to:
Post Comments (Atom)
No comments:
Post a Comment