38
بصوا سنان الجبل ..يا ترى مسنونة لمين؟؟
للشوق و لا الامل.. في قلوب المحبين؟؟
و السحاب اللي انهبل ..نازل ياخد غطسين..
و الشمس صفرا فاقعة.. مطرطشة تلاوين..
على سطح الميه واقعة.. اللون جواه لونين
و الجبل وش و نايم ..على بحور السنين..
بيشد الشمس في حنكه ..ويطلع بلالين..
بلالين تسحر و تغمر ..كل ولاد الاناسين..
يا واخد الصورة قولي..ازاي جاتلك و فين..
تنشن على الجمال ده.. و لا هي تفانين..
صاحب الجمال الخالق ..و احنا علينا التنشين..
بحر و سحاب و شمس ..لينا متسخرين..
الوان اشكال و خيال و دلال ..ببلاش لكل عينين..
صورة و فورة و دنيا مسحورة ..بس حتقول لمين
Subscribe to:
Post Comments (Atom)
No comments:
Post a Comment