زويلنا!!

يا زويل يا فنان العلم.. يا بتاع الفمتو..
كل ما كان في ده العلم .. انت فهمته..
اه صح.. الامريكان ادوه المكان و الامكان..
بس هو المايسترو.. و هي دي قيمته..
عجبي

في مصر كنت مش لاقي الانبوبة..
و من البحث اعلنت خلاص التوبة..
يتحكم فيك الفراش ..و السبوبة..
و نسأل ليه الجامعة معطوبة؟؟
عجبي

طفش الجدع على بلاد غريبة..
مرار في البق ..و في القلوب خيبة..
غصب يا عيني ..بعد عالمحبوبة
راميه ولادها على كل مصيبة..
عجبي

ادوله مفاتيح المعامل و كل التساهيل..
و ناس شغلتها تساعده و تشد الحيل..
مش بلاوي قاعدة بروطا ..شغلها هلاهيل..
و يقتلوا جنب زويلنا ..كل ساعة زويل
عجبي

ادالهم الفمتو ..و احتا كفاية علينا البشوات
قاعدين في الميغة ..فتة و واسطة و خناقات
لا ابحاث عملوا.. و لا حيعملوا عمرهم
و كل كلامهم .. ع الهبر و العلاوات ...
عجبي

زويلنا استجري و قال ممكن اديكم؟؟
قال الخبرا ..طظ في اللي يديكم
لا زويل و لا غيره ..دي جامعة ابونا
و التطوير ده بعيد عن عينيكم
عجبي

راح على قطر و الحزن في كيانه..
اداهم الهدية و استمعوا لبيانه..
يا حزنك يا مصر .. يا نيلك دموع..
مالناش في البلد ده.. الا سجانه
عجبي

انا اسفة يا زويل و اسف كلامي..
عزايا ان انت كسبت الحرامي..
و لو مصر نايمة.. و لادها صاحيين
يدوك احترامهم و ليك احترامي
عجبي