9
كان امبارح يوم جميل..
ماله في الايام خليل..
شفت ابني لاول مرة..
و هو على المسرح يخيل..
زي فرس طاير على حلم..
معمول من خيال و فلم..
كبر زي الطير في يوم..
وانا يا حبي ماعندي علم....
حالا كان سمكة ذهبية..
بتاع نص شبر واصغر شوية..
يعوم في قلبي .. ما يعرفش حاجة..
صبح يرطن باللغات الحية.....
كل صغير للشمس بيمد..
و كل ماضي يشد و يهد..
و يخليك مش عارف تزعل .. تفرح..
عشان من غيرك بكره يعد.....
المسرح زي الدنيا دي مفتوح ..
فيه اللي جاي و فيه اللي يروح..
فيه السعيد و جنبه المجروح ..
و كله بيغير وش و روح..
كان نفسي يكون حبيبي معايا ..
يشوف ابننا و هو نجماية..
لكن امر الله واجب و نافذ..
و مالنا منه غطا اوحماية ..
والحمدلله على الولد و الفرحة..
و على قمر ليلناو عالصحة..
و علي الاوقات الحلوة والجارحة..
وعلى حياتنا و النعمة البرحة..
وعزف وغني و قال وعاد ..
و نور اكثر من بقية الولاد..
وكل الاهل بعينهم يقولوا ..
مافي الليلة غير ابني يااولاد!!!!
Subscribe to:
Post Comments (Atom)
No comments:
Post a Comment