كل ما سبق كتابته تقريبا

To Ahmed Ragab our humour icon
يا ريشة الدم الخفيف جذرك فى قلب الوطن
مشكلتنا من 52 احنا مالناش تمن
بكام سعرى و سعرك مش بكام متر المدن؟؟؟






الى احمد صبحى منصور

لما الديابة تقول امين
و تصلى على الامين
و تقول انه حبيبها و بس
يبقى بالسلامة يا دين!

و لما نقرا فى التاريخ
نلقى اللى شوونا ع السيخ
و عمموا ع الناس الصريخ
هما كهنة ، شيوخ او سيخ

اللى الهه بشر دا شيطان
مهما يخرف بالايمان
لما معاه ما تلقى امان
يبقى من ربنا بعدان

يا عم احمد ولا تنكاد
ربنا من فوقنا له الميعاد
و كل سفاك و كل جلاد
له يوم اسود من السواد

و الغريب مسيره لبلاده يعود
بلاده يا سيدى ما فيها حدود
لا فيها اديان و لا فيها كهان
لا فيها شيوخ نصارى ولا يهود
ما فيها الا الله الموجود
يخلص ما بينا
و يداوى المنا
و يعوض على اللى مخلص ودود
و يكافأ الغلبان الموؤود
و نرتاح عندالصانع
الرحيم
المجيد

من ارزال عبيده
اللى بياكلوا من ايده
و يستخدموا وعيده
عشان ينهبوا بإسمه
و يعلموا الجاهل ..
ان الله حددله سيده

اهه كله كله كلام
بعلام او بغير علام
ركام من الاحزان
و تخاريف قلب زعلان
و على الحقيقة السلام
و على حملة الاقلام
و على اللى عقله ما راضي ينام
و اللى يكره الحرام
و على وعليك و عليهم الصلاة و السلام

اللى قالوا كلمة الحق
و كرهونا فى الضلام و الرق
و كرهوا الشر من البق
و اللى يضرب واللى يزق

و اخرتها كل الكلام ده
يتحول النهارده
لرسالات كره و زق
و حروب و دقون وحرق
و بلادة و اكاذيب باردة

يا عينى على الرحمة
لما تتقلب لخمة
و تتحول الانسانية
لمجرداكوام من لحمة
و اسهل حاجة انك
تحول بنى ادم فحمة

و تقول على الجثة :الله اكبر
و يسقف لك بتاع السلاح
بيقبض شيوخ الرماح
.و معاهم و بيهم هو عايش
اتفاق : ريح وارتاح

الله فى السما هو واحد
لينا و لكل الملاحد
هو علينا قايم و شاهد
و الحق هو انا نجاهد

ندافع عن الغلابة
فى كل ممرات الغابة
مش عن القادر الغنى
عن الطين و عن ترابه

مش محتاج منك دفاع
لكن طالب قوة دراع
فى حماية الضعيف
اللى ضعيف عل الصراع

يا ناس عليكم حرام
تجارة الاوهام
و بيع و شراء الكلام
و الحبر والاقلام
و الانجيل والقرآن
و كل كل الاديان
سبوبة فى ايد لئيمة
شعارها ..
انسان بلا قيمة
و ان الله فوق يديك
و عوضك موتة كريمة
و كلام كثير و تلال
تأليف عن الرسول
و اللى يقول ويقول
عن الحرام و الحلال

لما الله يقول حلال..
و غيره يقول حرام..
يا رب ان كنا عبيدك..
مش نسمع الكلام؟؟

كتابك ده للخطابة..
و نسمع عن الصحابة..
و غيرهم من ملك تليد..
و عن معاوية..
و عن يزيد..
و عليه العوض يا حبيبي ..
فى الامام و في الحفيد..

يا رب هو مافيش فى بلادنا دي ...
و لا واحد عقله رشيد؟؟؟








الى احمد فؤاد نجم
لقد قرأت مدونة الهامى و كان فيها مقطوعة لاحمد فؤاد نجم العبقرى الابيح الذى ارجو ان يعيش ليطمئن على اهله و ناسه. اريد ان اهديه هذا :
مبروك يا عريسنا
يامسود خميسنا
و مسود جمعنا
و بقية اسبوعنا
يابن الاكابر
يا مشغل فلوسنا
لماما وبابا
بالعافية وبالحسنى
ما تحن علينا
و ترحم فلسنا
و سيبنا يا غالى
يا موطى لنا راسنا
نجرب حظوظنا
مع واحد من توبنا
لا ظابط و لا صايع
ولا فيه كل عيبنا
واحد يحاول
واحد يناول
مش يخرب بيوتنا.






الى حسن شحاتة و سارقوا الفرح
• ..يا حسن يا خولى الكورة ..يا حسن
• سيبك من الناس الموتورة.. يا حسن ..
• و الكاس باسمك مسطورة..و بتاعتك.. يا حسن
• و الخيبة على وشوشهم فى الصورة.. يا حسن
•
•
• يا بختك انك عايش في الدنيا.. يا حسن
• و ماكنتش فى عبارة مخيش و غرقت ..يا حسن
• او راكب فى قطر سواقه محشش .. يا حسن
• دى مصر دي يا عمى
• دى مدفن.. مش وطن