اللي بتقوله ده في المشمش
أن العسكري يبطل يعشش
و في مصر يلغ و ينهش
و ده معاه الملاغية ما تنفعش
و غير القوة و العزم ماياكلش
الضرب علامهم و السب كلامهم
و الجهل ابوهم و الظلم عمامهم
و الحداية عمرها ما رمت كتاكيت
والحكام بتوعنا بالشعب مالهم؟
و هو جاهل و مطاطي لعيالهم
و ايه يخليهم يبشوا لده الوش؟؟
انما النجدة جاية من عند الله
و يمكن ملايكة تخليها سهلة
و نهرب -يمكن - من دي الوحلة
و من مجموع الامخاخ الجاهلة
الموجودة في كل عش!!
و قلتها و حاقولها تاني
لوموا-مش علي ده - علي الاولاني
اللي طلع الجيش من بيته
و علمه القصور و اكل الضاني
و خلاه شعبه و دينه يغش !!
الجيش ده درع و احلي مجدع
بس اما يعمل شغله و يخلع
مش يحكم في شعب
لاعركة و لاحرب
و مش شغله تطيع و تسمع
يا ريته يرجع
ابعدوا الشيخ عن العسكري
هو اللي خلاه مفتري
وقضي علي كل ما ينقري
و ما يهمه غير الشمبري
و علي الالاضيش و العصابة يرش
و ان كنت مش مصدق العنوان
اقرا ياتفتزاني كلامك بدنجان
من اكثر من سبعين سنه
بيكدبوا علناس باسم القرآن
اللي نازل يحرر الانسان ،
فيه اكثر من كده غش !!
زماااان من خمسون عاما
طفوا النور وعمت غيامة
سودة و رمة و قتمة قتامة
و بقي عمنا و لبسنا الغمامة
و الطور مكانه يلف بكمامة
طالما مش و مش و مش !!!
مش عاوزين ابدا يتعلموا
ولا دينهم ينقوا و يفهموا
و لا ربهم يطيعوا و يعملوا
يبقي هم عاوزين يتلجموا
يا عمي الغريب سيبها تندش!!!
لكن معلهش الدنيا صغيرة
و كل ظالم اخرته مغبرة
مهما عاش وعاش وعاش
له زيارة في احلي مقبرة
أو يمكن ناكله في صحن مش !!
بقولك معلهش
بقولك معلهش !!!
