دفنة روشة
في حلة اللحمة ...سرح بخياله...
يا ترى يا بكرة ..ايه مصير عياله...
باع الجزمة اللي كانت حيلته...
عشان يجيب لهم كيلو لحمة بحاله....
حيعمل ايه بالجزمة..
ما عادش ليها لزمة..
نوى يهرب من عينيهم..
اللي عاملاله ا زمة...
عيل و له طلباته..
ما يعرفش هو اخواته..
انه تعب و سلم..
و قرر بيبع حياته...
بكره على المستشفى..
يبيع كلوة و فشة ..
العيال يعيشوا وياكلوا..
و يكسب دفنة روشة...
آه يا مصر..
يا واكلة عيالك.
و يعيش في قصر..
الحرامي اللي سالك..
آه يا مصر..
يا امي و همي..
يا ابشع مكان..
يا احلى الممالك ..
آه يا مصر...
بياعة الدرة
حلوة و صغيرة آه ..
انما اللمس لا....
ابيع لك درة آه....
تشتريني بخس لا....
اضحك لك ايوه آه...
تضحك على لا...
اضحك عليك الدنيا...
و اخليك مسخره...
تديني محبة آه....
تديني حسنه لا...
تحنيني الدنيا آه...
تكسرني المحنة لا...
يعجبني جمالك آه..
تغويني بمالك لا...
فلوسك تشتري كله..
الا جمال الحياه..
انا اقول بفتح الله...
و انت تقول الله....
حلالك اهلا و سهلا...
حرامك حد الله...
غلبانة و محتاجه آه...
اشحت من حد لا....
الدرة عسل و ببيعها...
و الخير من عند الله...
Subscribe to:
Post Comments (Atom)
No comments:
Post a Comment