ليه الفرحة؟؟؟؟

سال دم الحرف ..
على حرف الكتاب...
ملاه بلون ..
اسود هباب..
خلا وشه..
زي التراب..
بس الغريب..
ضحك الكتاب..
و ضحك الحروف..
لما تشوفهم..
عجب تشوف..
ده فرحان..
بدمه اللي سال..
و ده فرحان..
بوشه اللي انشال..
رحت اسألهم...
اغرب سؤال..
ايه اللي يفرح..
في كل اللي اتقال..
الحرف قال...
قدري اسيل..
في دمي اشيل..
عقل الاجيال..
و حمل الجبال..
و فرحتي..
قصة و مقال..
و الكتاب قال..
و دي حرفتي..
غطا صفحتي..
يكشف خيال..
يوصف جمال..
يفضح حرام..
يحيي الحلال..
عرفت ايه..
معنى الكمال..
يا انسي ..
يا صاحب السؤال..
انك تيجي ..
يوم السؤال..
فرحان.. انك..
وفيت امانتك..
مهما كان..
ده شئ محال
هو ده كل الجواب..
هو ده كل السؤال........