تعريف

انا الغريب وسط اهلي\
على طول الهم بيندهلي\
وبموت تملي على مهلي \
من همي ..او في العبارة\

انا الفراعنة دول جدودي\
و العربي حتة من عودي\
و النيل ده وعدي و موعودي\\
و الفرح ده بالقطارة\

الواسطة هدتني ..مصتني\
و السرقة من روحي سرقتني\
و ماحاجة في الدنيا غاتتني\
و لا فهمتش العبارة\

باشحت علاجي و التعليم\
و كأني في بلدي اليتيم\
لا تقولي خصخصة ولا تأميم\
هي هياها المغارة\

و علي بابا قاعد عالباب\
و فاتحه لحبيبه النصاب \
يقسموا الغلة و الحساب \
و انا يجيبولي المرارة\

الزرع يقولوا صدرناه\
و المصنع يقولوا اجرناه\
و حتى النيل يا ولداه\
و منابعه في عليها غارة\

ازرع ..ياخدوا منى الحبوب\
اصنع ..يفضولي الجيوب\
ابيع ..من الضرايب اتوب\
سدوها العالم الجبارة\


اكتب يربطولي كفوفي\
ابكي يخيطولي شفوفي\
ابطل احكي من خوفي \
و اقول لروحي دي شطارة\

يتكلم عني نور عيني\
يقول اياكش تفقديني\
لو ما تجري و ترفعيني\
و توري للظالم ده عاره\

انا مصر الساكتة دايما\
انا مصر العايشة ابدا\
انا مصر الريف والمدن \
خليت الدنيا محتارة\

انا الغلبان و هو القوي\
انا المرضان وهو سوي\
انا البركان اللي راح يستوي\
و الغضب تحت الشرارة\

انا
انا