33
لما الانسان بيتفرم..
و يومه كله ينظلم..
لا يمكن يبقي محترم..
لازم يصيع.....
و بلادنا تقريبا كده غابة..
كلها سوده.. فوقها سحابه..
بيتاكل فيها الغلابة..
و دا شئ فظيع...
و حصل يجي من خمسين عام ...
ركبها الظلم مع الظلام..
العسكري نط على المدام ..
و قطع تقطيع....
كسر جمالها العسكري..
و اكمنه اصلا مفتري..
عملها صحن جمبري..
و الخير مبلوع ...
و من مصيبة لمهزلة...
بلادنا صارت مزبلة..
و الهم فيها قنبلة...
تستني وليع....
ما تبكيش يا بلدي يام الشعور...
بكره الظلم اكيد يغور..
و راسنا تترفع في النور...
و يرجع ربيع ....
يا مصر ناسي الطيبين..
كفاياكي ام النصابين..
مرة عروبة ومرة دين..
و اهو كله بيع.....
اعبدي مرة ربك و بس..
و ماتشركيش معاه عسس..
و لا مدني و لا جرس..
و سيبي القطيع....
ربنا عندها يرفعك..
و للكرامة يدفعك..
و في كل خطوة يكون معك...
و تنسي ده الجوع.....
من غير كرامة روح اندفن..
من غير عدالة ..جيبلك كفن..
خليك عايش كده في العفن..
في مصير مريع...
ابن الحرامية البرئ..
يسرق و يبيع ..في الدقيق..
و انت العبد الرقيق..
آخر المتمة تتسجن..
و ده البديع......
Subscribe to:
Post Comments (Atom)
No comments:
Post a Comment