30
زقزوق و زقزوقة
زقزوق و زقزوقة ..
قاعدين في ركناية..
راضيين بأى حاجة..
قشرة ولا منجاية ..
برسيمة محروقة..
أو كرنباية ..
أو حتة من خلة..
أو سلك غلاية ....
عادي او ممطوط ....
بص لها زقزوق..
و قال و بعدين ..
احنا كده ..
من الجوع ميتين..
عاوزين اى مم..
راضيين احنا مسلوق ..
أو ماشي برضه محروق..
أو ايتها حزماية..
مايجراش لو جزماية..
طعمها زي التوت..
طروق ..
– ده صاحبهم-
من سوق الجمعة..
جابهم..
في بيته هب سابهم..
يلعبوا شنابهم..
بصوته ده راعبهم..
مع انه والله حاببهم..
ينط جوه جنابهم..
يرقعوا هم ميت صوت..
الزقزوقة لونها بني..
منقط بدهباية ..
جميلة الوانها لوحة..
في لون وردة مفتوحة..
و هو حتة لعباية ..
و مراته الست زقزوقة..
جنبه يا عيني مزنوقة..
بتحلم هي تاكله..
و عليه حتة سلوقة..
و هو نفسه فيها ..
نية أو مسلوقة..
مع انهم نباتية..
بس الفجعة الانسانية..
و القعدة الفاضية دية
هي القصد والنية
في قلوبهم الشقية
المشغولة بالقوت ..
بذمتك يا حضرة
مش هي دي البيوت؟؟؟
Subscribe to:
Post Comments (Atom)
No comments:
Post a Comment