عته !!!

20
كان عندنا بلد زي غيره بيبات

و في يوم اسود اوله بله..
نط علينا العسكري وجه..
و اكمنه اصله سمع عته..
علي كل نظام و بالجزمة هات .....

ضرب السنهوري بجزمته..
راح القضا و جت حكمته..
و ضاع القانون في فوضته ..
و اهو العدل مات ......

و اندار بعدها علي التعليم..
منح مين و تفوق مين ...
عايز نظام خصوصي للخايبين..
يدخلوا فيه الحقوق بستين ..
و انسي الباشوات ......

وبدال ما كان فيها بس الف باشا...
بقي فيها الباشا الاوباشا..
و صاب الذوق هبل و عماشة..
و اتكلمت المدافع الرشاشة
و اهو الذوق و مات .....

و اندار و شاف دكاترتنا شغالة ..
و في الدنيا لها شنةو هالة ..
قال مش عاوز شهادة ..
في دي البلد لها كيالة ..
و بقت شهاداتنا في العالم ورقات......

و الغريبةو البجاحة مين مش عاجبه..
اللي مشاركه في كل مصايبه..
ايام النكسة كتب خطابه..
و برر له كل النكسات.....

عامل نفسه آل صحفي محترم..
بعد ما حبس و بهدل و فرم..
بعد ما كان في الصحافة برم ..
و بعد ما ادى السيف للطغاه..
و بلده بالصرم...
و اهو الخشا مات...

كان فيه سينما و اسيا و تاريخ...
امموها .. بقت عك و فسيخ ...
قالوا حنعمل ابرة وصاروخ..
الابرة صدت ..والصاروخ فينا طوخ..
و اهو الحلم مات .....

اقولك ايه ولا ايه و لا ايه..
دا يخرب بيته جاب اجل الجنيه..
كان يشتري جبال و جبال..
ما بقاش يسوي تدور عليه..
واهو الجنيه مات ......

و كترت الغربان فوق المستوي المألوف..
و عملوا كل شئ معروف ..
و غير معروف ..
فساد للركب ...
و عذاب للركب...
و فوضي للركب...
و موتي بالالوف ...
و قتل للحروف ...
و الشعب غلبان متلوف..
و اهو حتي الدم مات

و تقوللي كان قصده خير...
ياعم روح بعيد عني غور..
كلمني عن اللي بيحصل هنا..
مش كان قصده ايه الحقير ..

واهو كلب و مات.....

المشكلةانه خد مصرنا معاه ..
و لم يستدل يا ولداه ...
علي مكانها حتي تاريخه ..
و اللي يلاقيها له صلاه ..

و بالصحة دعاء..
من قلب مات
من قلب مات.. !!!!