فات الميعاد

فات الميعاد ..
و لا حدش قال..
انا جيت...
انا جيت...
فات الميعاد..
و البرد حل ..
على رموش البيت..
قفل عيون الفرح..
و فتح التوابيت..
و بدال غناوي الضحك..
بقت شكاوي صويت..
و البيت مقسوم بالجرح..
و "يا ريت يا عمري ..
يا ريت.".
غنوة شريك الفرح..
و الحب و الحواديت..
يومه و ليله..
في شرح..
الوحدة..
لوش الحيط..
و البيت عيونه ضلمة...
و قلبه فيه وطاويط..
بينادي عليك في الزحمة..
و بيسأل سؤال بسيط..
يا ترى انت اللي رحت؟؟
و لا انا اللي مشيت؟؟؟
يا ترى..
انت اللي مت..
و لا انا اللي فنيت؟؟
عجبي