قصة متكررة

رجع على بيته \
من بعيد شميته\
ريحته وجع \
بالخيبة رجع\
يا ريته \
ما عاد\
لي تاني\
يا ريته\
راح على غيطه\
يزرع خرابيطه\
يرويه باحلامه\
حاططها قدامه\
يخلع مداسه\
و يحشيه في راسه\
عنيد و خايب\
الهم جايب\
زكايب زكايب\
بس حبيته\
رغم المصايب\
اقولكم ايه\
ابن الحبايب\
قريبي ولد عمي \
زينة القرايب\
دقيقه في زيته\
خدته في حضني\
همس لي في ودني\
يا بت يا خضرة\
النهارده التقيته\
بصيت بحسرة\
و ايديا ادتيه\
حبيبي يا عالم\
مخه في طاقيته\
و عشان بنت عمه\
رضيت بيه و راضيته\
لكني ساعات\
اقول يخرب بيته\
خدوا منه العقل\
و ادوني بقيته\
لكن ارجع و احمد\
و اداري و اجمد\
و اقول بكره احمل\
في واد يبقى ا جمل\
يعوض ابوه\
و يبقى اخوه\
و افرح بعقله\
و لما يغيب \
اشتاقله\
و انسى اللي قاسيته\
يا رب