بتوحشيني

بتوحشيني ..في كل ساعة ..كبشة سنين
بتوحشيني..و دمعي مات ..جوه العينين
بتوحشيني ..مهما اقول .. راح الحنين
بتوحشيني ..رغم البعد.. و قلبي الحزين
بتوحشيني

بتوحشيني.. ياامايا .. يا صحبة العمر الجريح
بتوحشيني.. يا منايا .. بالسكات وبالتصريح
بتوحشيني.. يا حبيبة..
من غير قسوة و لا تجريح..
بتوحشيني..و احساسي بعدك..
ابدا ابدا..مش مريح
مش مريح

تعبت منك ..و تعبت منى ..و تعبت من كل الكلام
تعبت اغني ..غصب عني.. كل عام مُر السلام
تعبت احبك ..وتعبت اسبك ..و تعبت اشكي و اقول ملام
تعبت والله ..و تعبتك و الله و.. كل ده يا قلبي حرام
وا لله حرام

عصرت قلبي .. نزلت منه .. شراب المر
و فضل عقلي ..يجر شكلي.. و كمان يجر
ازاي يا روحي ..اكون اسير ..اذا كنت حر
و ازاي يا عمري ..تبقى انت حزني ..و انت تسر
و انت تسر؟؟