يا عيد يا فاتح عل الغلابة ابواب
يستنوا ..لكن فرح الفقير بحساب
يسد الهدوم ..يتعب في لوازم الكحك
و الولاد ..من كل ده في غياب
يبيع الجزمة و يشتري قبقاب
عشان ما يجيب للعيال العاب
و يمشي بقية السنة يطرقع
و يقول الحمد ليك انت يا وهاب
و برضه الفرح في بيته عمره ما غاب
ربك بيبارك في فرح كل مصاب
و تلاقي غيره عنده العربية و الفيلا
و ساعة العيد ..واقف مالوش اصحاب
عجبي
Subscribe to:
Post Comments (Atom)
No comments:
Post a Comment