يا ماما

27
أمي يا ماما..
يا احلي غمامة..
تمطر عليا..
و علي الدنيا ديا..
محبة و سلامة...

حمامة جميلة ..
لا حلم حمامة ..
في ليلة ضلامة..
بحبة و عشة..
في حتة امانا..

يا ماما يا ماما ..
يا ست القلوب..
شمسك بتشرق ..
حتى من الجنوب ..
انتي يا امي ..
زهرة في القلوب..
و انتي الندي الطارح
في ساعة الغروب ..
و حتى الطير بياخد
محبتك حبوب.....

يا ماما يا ماما..
يا قريبة النجوم..
و خالك القمر ..
و الشمس
بنت العموم ..
على حبك انا انام..
يقوم حبك يقوم..
ينادي عليا..
بروح و ابتسامة..

يا ماما يا ماما..
كلامك بطبطب ..
في قلبي يدبدب ..
راحة و سلامة ..
و العجيب الاعجب..
من كل ده كله ..
يزيل من عنيا و قلبي
العتامة....




يا ماما يا ماما..