خواطر التخان

15

عرفت الزمن عدي..
لما لقيتني اتنين ..
الناس عرض و طول ..
وانا عرضي عرضين .......

كنت فاكر الزمن حيجي ..
لحد عندي ويقف عليا..
كنت فاكر ان اكيد ..
الايام الحلوة جاية..
واديني بقيت اغنية..
على اللي خسر قلبين .....

خسرت قلبي انا..
و فوقيه برضه قلبين..
سبت نفسي غرقت ..
و بعدت عن الشطين...

والاكاده ان انا عارف ..
و متأكد احنا مفارقين..
أن ما كانش في يومنا الحالي..
يبقي بعد يومين ...

لكن الدنيا عملتها ..
و غرتني بالامان ..
بعد ما بيه فرحتني ..
و نسيت غدر الزمان ..
و هب.. طبق الكمين....

راح في ثانية ..
مش حاقول في دقيقة..
الفرحة نقطة ..
و الزعل حريقة..
مستني عذابي ..
شوية و يخلص ..
مستني و الحزن..
عمال يرصرص ..
و يدعس و يدهس..
في قلبي اللي بقي ..
اسوده اسودين

اسود من الوحدة القتالة ..
و اسود من الدنيا دي الزبالة..
من غيرك الواحد في حالة ..
و الامل بس في الرب الكريم...

لكن النجوم مطفية ..
و حزينه..
و الليل طلع منه ليلين..
يا قلبي الحزين....

يا موال الكسر ..
و حده المشرشر ..
اللي شغال في جوفي ..
يحفر و يحفر..
كنت كنا كان و كان...
ماعدش يجي منه الاانين..
انا مسجون..
انا سجين..
يا مين يداويني
يا مين؟؟؟؟؟؟؟..