awlady

12
يلا علحصان

يلا يا حبيبي ..
نروح مع بعضينا ..
نركب حصان اخضر..
معجون من امانينا..
يركب على سحابة..
لونها زي الغابة ..
شكلها زي بابا..
و ريحتها تحيينا........

نمشي على مهلينا..
لحد حدود المينا ..
نركب هناك سفينة ..
متغطية بالسكر ..
عليها كحك مدور ..
و فيها فانوس منور ..
و لونها احمر اخضر ..
يلا يلا بينا.....

طارت السفينة..
و طار معاها الحصان ..
وقعنا من فوقيه..
عشان نفسنا نسينا ..
لقينا نفسنا في مغارة..
فيها غزالة محتارة..
بين اسد و فارة..
واقفة تفك حباله..
قلنالها يا حمارة..
الاسد حياكل عينينا..

قالت الخير واجبنا..
ولو فيه خطر علينا ..
و ما حدش عارف حاجة..
و يمكن بكره نحتاجه..
قلنا .. يا غزالة اجري..
وكلنا جرينا جرينا..

المغارة بقت حارة..
فيها بقال و ستارة..
وراها قاعد الحصان..
ازاي جيت في ده المكان ؟؟؟
قال وقعت من السفينة..
و قلت يا رب احمينا..
و اجمعني مع صحابي..
انشالله بعد سنة..
لقيتني معاكم انا ....

مسكنا في عرفه و ركبنا..
طار بينا على سحابتنا..
فاكرينها دي بتاعتنا ..
و شفنا جنبنا نجمة..
بيضاء كده و فخمة..
وعليها برنيطة ضخمة..
نطينا عليها كلينا...

و سألنا البرنيطة السمينة..
بتعملي ايه على نجمة..
بادور على المدينة...
مدينتي انا حزينة..
فيها شكولاته و عجينة..
بس مافيها اطفال...

شفتوا بقي يا عيال..
يلا نلاقي المدينة..
و ماعادش تبقي حزينة..
نملاها لعب و جمال..

طب شكلها يا برنيطة..
ايه مدينة الظيطة...
قالت ما لقيتها هنا..
لكن لقيت اسمنا..
مكتوب على بير غويط..
حوالين سوره سميط ...

طب يلا عليها بينا....
يلا نشوف اللي لينا...
و رحنا معاها بسرعة..
على سطح النجمة الوالعة...
و وصلنا عند البير..
لقينا قط كبير..

قال اتأخرتوا ليه..
استنتكوا وقت كتير..
انا واقف عشان اقول..
مدينة الدموع..
ضحكها ممنوع ..

مستنية شمس و نور..
على ضفاف البحور..
مطرح ما جيتوا علينا ..
و لقينا لقينا لقينا..
المدينة الحزينة..
عشان منها مشينا..
و لما هي تشوفنا..
تبطل تبقي حزينة ..
و تضحك تاني لينا...

لما نورتوا حياتي..
و خليتوا الضحك في اوقاتي ..
انتوا بس يااولادي..
بتدوا الفرحة لينا..
و للمدينة الحزينة